Kaupmannahöfn!

Nú sit ég við tölvuna á Silkeborggade í Kaupmannahöfn og hlusta á ísbílinn hringja bjöllunni fyrir utan gluggann! Við komum hingað rétt eftir hádegið í dag og erum ekki búin að gera mikið; versla örlítið í matinn (í Aldi, Sigrún) og stelast á eitthvað þráðlaust net hérna. Vitum ekkert hvaðan það kemur en við erum allavega tengd! Ætluðum að fara að leita okkur að netkaffi, en prófuðum þetta fyrst ;) Við erum svo búin að skipuleggja morgundaginn en hann fer í að borga húsaleigu, sækja lykla, sækja um kennitölu og ýmislegt fleira. Tóta er í góðu yfirlæti hjá mágkonu sinni sem var svo góð að sækja okkur á völlinn. Alveg frábært þar sem við vorum með slatta af farangri! By the way; við tékkuðum okkur 3 saman inn og vorum alls með 7 kíló í yfirvigt og þurftum að borga fyrir 5!!! Bjánalegt, sérstaklega þar sem vélin var ekki einu sinni fullbókuð! Jæja, svona getur þetta stundum verið. Annars höfum við það fínt en okkur finnst það svolítið skrítin tilhugsun að hér munum við búa! Þið verðið bara að vera dugleg að heimsækja okkur - allir velkomnir hvenær sem er! Heyrumst fljótlega. Kveðja,
Guðlaug og Svenni Kaupmannahafnarbúar.