Sammála síðasta ræðumanni!

Já ég ætti náttúrulega bara að skammast mín fyrir að láta ekki heyra í mér. Lifi ótrúlega áhyggjulausu lífi núna - engin heimadæmi, ekkert stress og bara TV;) Það eina sem ég hef áhyggjur af þessa dagana er af hverju Tóta getur ekki sent mér e-mail! Jæja læt það nú vera, það er nóg að gera í vinnunni svosem og fullt af áhyggjum þar. Hann Gunnar frændi hans Svenna er búinn að lána mér þrívíddar "prentara" og þetta er sjúklega kúl, er búin að leika mér að prenta út allskonar drasl og segi ekki meir svo Svenni deyi ekki úr öfund. Ég held samt að það sé eitthvað í ættinni hjá honum Svenni að eiga erfitt með útskýringar - gæti það verið?

Síðan erum við enn að reyna að koma okkur fyrir, gengur hægt en gengur þó. Vorum að fá skáp og hillur og sóttum skrifborðið mitt um helgina, gerðum samt lítið meir en bara að sækja dótið svo þar er ýmisleg ósamansett dót á víð og dreif um placið.

Skemmtileg tilviljun sem ég gæti sagt ykkur frá. Er á fjarþjálfaranámskeiði hjá ÍSÍ og fékk allskonar kennslugögn send heim. Meðal annars var diskur með allskonar videoum, fékk svo það verkefni að horfa á og gagnrýna íþróttaskóla hér og þar á landinu. Bjarkirnar voru þar sem mér fannst ýkt sniðugt, já og svo var ég bara þarna sjálf að kenna einhverju smáfólki. Skemmtileg tilviljun.

Jæja best að fá sér að borða.
Tóta - ekki gefast upp á mér, mér er alls ekkert illa við þig þó þú getir ekki sent mér e-mail!