Staður og stund
Jú viti menn stundin er núna en staðurinn hefur ekki enn verið uppfærður. Hver er eiginlega að sjá um þetta blogg! He he bara smá djók, en öllu gríni fylgir smá alvara - ég á sumsé heima í Hafnarfirði.
Eitt svo mjög ófyndið að það er eiginlega sprenghlæilegt (skyldi ég nú hafa skrifað þetta rétt) en það er það að ég hef verið sett í yfirlestur á einhverju plaggi í vinnunni. Þeir sem þekkja mig vel hefðu nú valið einhvern annan - haldiði ekki?
Annars er það að frétta að íbúðin okkar er svona smám saman að verða vistlegri - komið skrifborð og hillur og alls konar (eitt eða tvö orð - ég held ég þurfi að fara finna rauðu bókina hennar Ragnheiðar sem við vorum með í 3. bekk). Þar að auki hef ég komið öllum þeim snúrum sem lágu þvers og kruss um stofugólfið fyrir þar sem þær angra mig ekki - fastar á bakvið skrifborð - ég hata snúrur. Munið þið eftir WAF (wife annoyance factor) sem Davíð Þorsteins var einhvern tíman að tala um - allavegana, nú skil ég! Já og meir, Benna sem æfði með mér gaf okkur Begga heilan helling af nýtilegu dóti - alls konar gerðir af vínglösum, diska og skálar og bolla og hnífa og já bara fullts af dóti. Þakkir til Bennu - nú mega allir koma að drekka hjá okkur! Hvernær ætlið þið að mæta?
Adios amigos